Pulis, sugatan matapos saksakin ng co-accused na kabaro sa Camp Crame sa Quezon City

SUGATAN ang isang police officer matapos saksakin ng kanyang co-accused na kabaro habang nasa restrictive custody sa Camp Crame sa Quezon City, bunsod ng 13.45-Million Peso Theft Case.

Batay sa police report, nangyari ang insident sa kusina ng pasilidad, kung saan naka-kustodiya ang dalawang opisyal kasama ang apat pang co-accused, kahapon ng umaga, bago ang kanilang preliminary investigation sa Quezon City Prosecutor’s Office.

Sa inisyal na impormasyon, unang pumasok sa kusina ang biktima na isang executive master sergeant at makalipas ang ilang sandali ay sumunod ang suspek na isang senior master sergeant.

Bigla umanong bumunot ng kutsilyo ang suspek at nang mapansin ito ng biktima ay agad siyang tumakbo at niyakap ang suspek para pigilan.