Gin-aghat san Department of Human Settlements and Urban Development o’ DHSUD an publiko nga diri mag-alang pagda-op sa ira ahensiya kun may mga panginahanglan parte sa pabahay.
Sa ginbuhat nga Kapihan sa Bagong Pilipinas, iginpahayag ni DHSUD Regional Director Michael Victor Tezon nga sira mismo an naglilista san mga intresado nga mga beneficiaries, ngan iginhahatag ngadto sa LGU.
Sumala pa kan Tezon, ine nga lista in iginbabalik liwat sa DHSUD para ig counter-check antis liwat ig-endorse ngadto sa Pag-IBIG.
Gintagan sin duon ni Tezon nga waray ginpipili an ira ahensiya basta ine in kwalipikado nga mga beneficiaries sa anuman nga ira programa sa pabahay.
Ginlalauman nga tubtob 2028, makakab-ot san gobyerno an masobra 164,000 nga paghingulang sin housing units sa Region 8.
