Publiko, binalaan laban sa pekeng Tower at Satellite CONNECTION Deals

BINALAAN ng Department of Information and Communications Technology (DICT) Regional Office ang publiko laban sa mga indibidwal o grupo na nagpapanggap na kinatawan ng ahensya para sa Satellite Connections, Tower Construction, o mga kahalintulad na proyekto sa Eastern Visayas.

Sa Public Advisory na inilabas ni DICT-Region 8 Officer-In-Charge Melvyn Carlo Barroa, nilinaw ng ahensya na hindi sila konektado sa mga pribadong indibidwal o grupo na nag-aalok ng transaksyon na may kinalaman sa pag-upa o pagbili ng lote para sa pagtatayo ng Tower, Internet o Satellite Facilities, o anumang kasunduan na nangangako ng Monetary Compensation o Facilitation Fees.

Nakasaad din sa Advisory na hindi pinahihintulutan ng DICT ang pangongolekta ng anumang bayad mula sa Private Individuals, Land Owners, o mga organisasyon para sa implementasyon ng kanilang Official Programs at Projects.

Kasabay ito ng pagbibigay diin na anumang Solicitation o pagde-demand ng pera kapalit ng DICT-Related Projects ay Unauthorized at Fraudulent.