TARGET ng Philippine Statistics Authority (PSA) na i-turnover ang kumpletong Community-Based Monitoring System (CBMS) data sa lahat ng siyamnapu’;t isang bayan sa Eastern Visayas bago matapos ang taon.
Sinabi ni Zonia Salazar, Assistant Chief ng PSA Regional Statistical Operation and Coordination Division, na nakumpleto na ang enumeration sa lahat ng area habang ongoing pa ang analysis at validation sa kalahati ng mga nasasakupang lugar.
Ang cbms ay tumutukoy sa Organized Technology-Based System ng pangongolekta, pagproseso, at pag-validate ng mga kinakailangang datos na maaring gamitin para sa planning, program implementation, at impact monitoring sa local level habang pinalalakas ang mga komunidad na lumahok sa proseso.
Saklaw nito ang health, nutrition, water, sanitation, shelter, education, income, employment, security, at participation.
