Pre-emptive evacuations, ipinag-utos sa ilang bahagi ng Luzon at Visayas sa harap ng banta ng mga Bagyong Ofel at Pepito

ILANG rehiyon sa Luzon at Visayas ang inatasang  magsagawa ng pre-emptive evacuation ngayong biyernes dahil sa banta ng mga Bagyong Ofel at pepito, ayon sa Office of Civil Defense.

Sa press briefing, sinabi ni OCD Operations Service Director Cesar Idio na alinsunod sa atas ni Defense Secretary Gilberto Teodoro Jr., simula ngayong araw hanggang bukas ay maaring magsagawa ng maagang paglilikas sa mga residenteng maaring maapektuhan ng mga kalamidad.