MAGPAPATUPAD ang National Grid Corporation of the Philippines (NGCP) ng power interruption sa Sabado, Aug. 31, simula ala sais ng umaga hanggang ala sais ng gabi.
Sa inilabas na abiso, ito ay para bigyang daan ang paralleling activities ng 50MVA Power Transformers 1 and 2.
Maapektuhan ng naturang aktibidad ang lahat ng barangay sa Calbayog City, kabilang ang Tinambacan at Oquendo Districts.
Panandalian ding mapuputol ang supply ng kuryente sa kahabaan ng San Agustin Substation (Feeders 6 and 7) ng dalawampung minuto sa pagitan ng ala sais hanggang ala syete ng umaga at dalawampung minuto ulit sa pagitan ng ala singko ng hapon hanggang ala sais ng gabi.
Kabilang sa mga lugar na maaapektuhan ang mga barangay sa kahabaan ng Gandara, San Jorge, Matuguinao, Pagsanghan, at Sta. Margarita.
