7 February 2025
Calbayog City
National

Posisyon ni Pangulong Marcos sa impeachment complaints laban kay VP Sara, hindi nagbago sa kabila ng nationwide rally ng INC

HINDI nagbago ang posisyon ni Pangulong Ferdinand “Bongbong” Marcos Jr. Sa inihaing impeachment complaints sa kamara laban kay Vice President Sara Duterte, sa kabila ng idinaos na Nationwide Rally for Peace ng Iglesia Ni Cristo.

Una nang nanawagan si Marcos na huwag na lamang ituloy ang impeachment kay V-P Sara, dahil mas makabubuti aniya na tutukan na lamang ang ibang bagay na mas mahalaga sa buhay ng mga Pilipino. 

Sinabi naman ni Executive Secretary Lucas Bersamin na ganito pa rin ang tindig ng Pangulo. 

Isinulong ng INC sa prayer rally ang pagkakaisa at ang pagtutol sa impeachment complaints laban kay V-P Sara, alinsunod na rin sa pahayag ng Pangulo.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).