Pinag-iingat ni Senator Bong Go ang publiko sa kumakalat na pekeng AI-generated videos na nagsasabing ang Malasakit Centers ay nagbibigay ng P5,000 cash assistance.
Sa nasabing video, mayroong link na ibinibigay kung saan kailangan umanong magpa-rehistro para mapagkalooban ng tulong-pinansyal.
Ayon sa Senador, wala itong katotohanan dahil ang Malasakit Center ay isang one-stop shop na nagkakaloob ng medical assistance sa mga pasyente sa mga DOH-retained hospitals at sa Philippine General Hospital.
Paalala ni Go huwag i-click ang nasabing link dahil ito ay isang uri ng panloloko.
Sinabi ng senador na hindi dapat basta-basta magtiwala sa mga nakikita online lalo na kung ang impormasyon ay naka-post sa hindi beripikadong source.
