HINDI napigilan ng mahamog na kondisyon ang pamamayagpag ng Filipino Olympian na si EJ Obiena sa Taiwan International Pole Vault Championship sa Sun Moon Lake sa Nantou.
Ang naturang panalo ay simula ng outdoor season campaign ni Obiena matapos niyang ianunsyo na hindi na siya makapaglalaro sa World Indoor Championships.
Hindi ito ang unang pagkakataon na sumabak ang Pinoy Pole Vaulter sa gitna ng challenging conditions sa isang kompetisyon.
Napagtagumpayan din ni Obiena na makamit ang titulo sa 2023 Southeast Asian Games sa Cambodia, sa gitna ng matinding buhos ng ulan at malakas na hangin.
