INAMIN ni Filipino Pole Vault Star EJ Obiena na nahirapan siya sa sinalihang 2025 Asian Athletics Championships sa Gumi, South Korea.
Sa katunayan, inilarawan ito ni Obiena bilang pinakamahirap sa kanyang tatlong titulo, sa ngayon.
Tinalo ng Two-Time Olympian ang kanyang kaibigan at training partner na si Huang Bokai ng China, sa Jump Off para masungkit ang gintong medalya.
Ayon kay Obiena, tumagal ang kompetisyon ng mahigit limang oras na nilahukan ng labinlima hanggang labing anim na atleta.
Nakatakda namang magtungo si Obiena sa Netherlands June 9 saka sa Oslo para sa Diamond League at Stockholm.
