NAGPAPATULOY ang komunikasyon ng Pilipinas sa concerned officials ng Amerika hinggil sa tariff rates at policies.
Sagot ito ni Palace Press Officer Undersecretary, Atty. Claire Castro, sa tanong kung tumugon na ang Pilipinas sa panawagan ng US sa kanilang trading partners na ibigay ang kanilang “best offers” kaugnay ng trade negotiations.
Sinabi ni Castro na ayon sa Department of Trade and Industry at Office of the Special Assistant to the President for Investment and Economic Affairs, patuloy ang kanilang pakikipag-ugnayan sa US Trade Representative.
Gayunman, idinagdag ng palace official na hindi pa sila maaring magbigay ng iba pang detalye bunsod ng confidentiality agreement.
