NA-promote sa Group II ng Billie Jean King (BJK) Cup sa Bahrain ang Philippine Women’s National Tennis Team, matapos manalo kontra sa koponan ng Laos sa kanilang promotional match.
Nakamit ng Pilipinas ang tagumpay matapos ang tatlong taong hiatus ng bansa mula sa naturang tournament.
Masaya ang disi nueve anyos na tennis ace na si Alex Eala dahil nakatulong siya sa pag-abante ng kanilang team.
Pinasalamatan din niya ang Filipino Community sa Bahrain na araw-araw na nagtutungo sa tennis court para suportahan at panoorin ang kanilang mga laban.
Ang Billie Jean King Cup ay ang World’s Premiere Team Tennis Competition para sa kababaihan.