DINALA sa ospital ang actress-businesswoman na si Neri Naig-Miranda, na inaresto bunsod syndicated estafa at paglabag sa securities regulation code, para sa “medical evaluation.”
Sinabi ni Bureau of Jail Management and Penology (BJMP) Spokesperson, Jail Supt. Jarex Bustinera, na inilipat si Neri sa ospital, dakong alas otso ng gabi noong Biyernes.
Ayon kay Bustinera, inatasan ng Pasay Regional Trial Court Branch 112 ang BJMP na dalhin si Neri sa ospital para sa medical evaluation, kasunod ng kahilingan ng abogado ng aktres.
Nakasaad aniya sa court order na hindi dapat lumagpas ng limang araw ang medical evaluation, at ibalik si Neri sa kanyang detention cell.
Idinagdag ng BJMP Official na walang health issues si Neri nang dalhin ito sa ospital.
