ITINANGHAL si Boston Celtics Shooting Guard Payton Pritchard bilang Sixth Man of the Year ng NBA.
Tumanggap ang American Cager ng 545 points sa balloting, kabilang ang 82 mula sa 100 first-place votes na galing sa Global Media Panel.
Si Pritchard na nasa kanyang ikalimang NBA season sa ilalim ng Celtics, ay nag-average ng career high na 14.3 points, 3.8 rebounds at 3.5 assists sa 80 games.
Pumangalawa si Malik Beasley ng Detroit Pistons na may 279 points at 13 first-place votes.
Ang ikatlong finalist na si Ty Jerome ng Cleveland Cavaliers ay nakakuha naman ng 91 points at dalawang first-place nods.
