PAOCC Spokesman Winston Casio, sinibak sa pwesto matapos manampal ng POGO worker sa Bataan

SINIBAK sa pwesto si Presidential Anti-Organized Crime Commission (PAOCC) Spokesman Winston Casio kasunod ng paglutang ng video ng pananampal nito sa isang trabahador ng ni-raid na POGO sa Bagac Bataan noong Oct. 31.

Sa memorandum na inilabas ni PAOCC Executive Director Gilberto Cruz, nakasaad na ang pag-alis kay Casio sa pwesto ay upang matiyak ang patas at komprehensibong imbestigasyon hinggil sa naturang isyu.

Binigyan naman ng dalawampu’t apat na oras si Casio upang magsumite ng written explanation.