ILANG beses na tinawag na sinungaling ni Pangulong Ferdinand “Bongbong” Marcos Jr. si dating Pangulong Rodrigo Duterte.
Kaugnay ito sa pinuna ng dating pangulo na umano’y blank items sa 6.326-Trillion Peso 2025 National Budget.
Sa ambush interview sa bgc sa Taguig, sinabi ni Marcos na bilang dating presidente, dapat alam ni Duterte na hindi maaaaring maipasa ang pambansang budget kung mayroong mga blangko at kung hindi nakalagay ang mga kaakibat nitong proyekto at gastos.
Hinikayat naman ng pangulo ang publiko na tingnan na lamang ang kopya ng pambansang budget sa website ng Deparrment of Budget and Management, at hanapin ang umano’y blank check.
Ayon kay Pangulong Marcos, ito ang magpapatunay na tama ang kanyang iginigiit na kasinungalingan ang mga pinalutang ng dating presidente.
