NILAGDAAN ni Pangulong Ferdinand Marcos Jr. ang administrative order para sa one-time grant ng rice assistance sa military at uniformed personnel ngayong taon.
Sa ilalim ng administrative order 26 na pinirmahan noong Nov. 7, bibigyan ng 25 kilos ng bigas ang mga sundalo at iba pang uniformed personnel na aktibo sa serbisyo, as of Nov. 30, 2024.
Saklaw ng kautusan ang AFP, PNP, Bureau of Fire Protection, Bureau of Jail Management and Penology, Philippine Public Safety College, Bureau of Corrections, Philippine Coast Guard, at National Mapping and Resource Information Authority.
Maaring makuha ng eligible personnel ang kanilang rice benefit simula sa December 2024 hanggang sa March 2025 sa mga itinalagang warehouses ng National Food Authority.
Nakasaad din sa A-O na ang one-time rice assistance ay kukunin mula sa local at participating Farmers ng Kadiwa Program ng Department of Agriculture.