BINIGYANG pugay ng sports personalities at colleagues ang pumanaw na sports journalist na si Chino Trinidad.
Binawian ng buhay ang veteran sports analyst noong Sabado dahil sa atake sa puso, sa edad na limampu’t anim.
Sa Instagram, ibinahagi ng news anchor na si Arnold Clavio ang huling pakikipag-usap niya kay Trinidad kung saan kinumusta pa siya nito matapos siyang dumanas ng hemorrhagic stroke.
Sa Facebook post naman, sinabi ni dating Philippine Sports Commissioner (PSC) Commissioner at PBA Great Ramon Fernandez kung paano siya tinulungan ni Trinidad sa kanyang career.
Malungkot ding inalala ni dating PSC Chairman Noli Eala ang kanyang longtime broadcast partner at kaibigan.
