Nagpapadayon an suporta nga iginhahatag san Pag-IBIG Fund subay san pondo nga gin-release sine ngadto san mga miyembro.
Ha ginubuhat nga Kapihan sa Bagong Pilipinas, iginpahayag ni Alectys Bajarias, Pag-IBIG Fund Acting Area Head for North Central & Eastern Visayas, nga tikang Hulyo 2022 ngada Septembre 2024 an ira ahensiya in nag-release sin masobra 1.42 bilyones pesos nga kantidad para san Multi-Purpose Loans.
Sumala kan Bajarias, ine in nagpapakita san kanan Pag-IBIG Fund nagpapabilin nga papel sa pag-suporta san mga magtatrabaho nga mga Pilipino nga magkamay-ada kalugaringon balay.
Samtang, maabot naman sa 87.4 milyones pesos nga calamity loan fund an na-release san Pag-IBIG sa pareho nga period.
Gintagan sin doon ni Bajarias nga an Pag-IBIG Fund in matatapuran nga kasugbong san mga magtatrabaho nga mga Pilipino sa pagtuman san ira mga hingyap nga magkamay-ada kalugaringon balay.
Ginkikilala san Pag-IBIG Fund an hingpit nga suporta san mga miyembro ipinaagi san pagbayad sa tama nga oras san ira mga premiums ngan loans.
