MAKALIPAS ang mahigit isang dekadang konstruksyon, target ng National Housing Authority (NHA) na makumpleto ang lahat ng housing projects para sa mga survivor ng super typhoon Yolanda sa December 2025.
Sinabi ni NHA Eastern Visayas Regional Director Constancio Antiniero, na kung walang magiging delays sa terminations of contracts ngayong taon ay tiyak na matatapos ang lahat ng proyekto sa Disyembre.
Nangyayari ang termination kapag inabandona ng developer ang proyekto, na nagdudulot ng pagkaantala sa proseso dahil kailangang humanap ang NHA ng bagong developer na magpapatuloy sa project.
Binigyang diin din ni Antiniero na ang bilis ng pagkumpleto sa proyekto ay nakadepende sa availability ng pondo.
