UMABOT sa mahigit 795 million pesos na halaga ng mga iligal na droga ang nakumpiska ng PNP Drug Enforcement Group (P-DEG) nitong nakaraang buwan ng Mayo.
Ayon kay P-DEG Chief, Police Brig. Gen. Eleazar Matta, ang illegal drugs ay nasamsam sa pamamagitan ng 81 Intelligence-Driven Operations, na kinabibilangan ng 31 Buy-Bust Operations, tatlong Search Warrant Operations, 23 Marijuana Eradication Operations, at 24 Manhunt Operations.
Kabuuang 74 drug personalities ang inaresto mula sa mga operasyon kung saan nakumpiska ang 5.64 kilos ng hinihinalang shabu, pati na ang pagsira sa mahigit tatlong milyong piraso ng marijuana plants, 500 pieces ng marijuana seedlings, mahigit isang milyong piraso ng dahon ng marijuana, at tatlong kilo ng marijuana seeds.
