IPATUTUPAD ang ikalawang bugso ng bente pesos na kada kilo ng bigas simula sa Hulyo sa Mindanao.
Sinabi ni Agriculture Secretary Francisco Tiu Laurel na, gaya ng kanilang binanggit noon, ang kanilang rating ay batay sa poverty incidence.
Kaya naman aniya ang uunahin nila sa phase two ng programa ay Zamboanga Del Norte na may poverty incidence na 37.7 percent.
Sunod ang Basilan, Cotabato City, Tawi-Tawi, Maguindanao Del Sur, Maguindanao Del Norte, at Davao Oriental.
Ayon kay Tiu Laurel, ang ikatlong bugso naman ay ipatutupad sa Setyembre, sa mga lalawigan ng Sultan Kudarat, Lanao Del Norte, Agusan Del Sur, Sarangani, at Dinagat Island.
Ginarantiyahan din ng kalihim na mataas ang kalidad ng 20 pesos na per kilo ng bigas ng pamahalaan.
