Ombudsman, inatasan si VP Sara at 9 na iba pa sa reklamo na may kinalaman sa umano’y maling paggamit ng Confidential Funds

INATASAN ng Office of the Ombudsman si Vice President Sara Duterte at siyam na iba pa mula sa Office of the Vice President na sumagot sa reklamong isinampa ng Kamara kaugnay ng umano’y maling paggamit ng Confidential Funds.

Binigyan ng Ombudsman si VP Sara at iba pang respondents ng sampung araw pagkatanggap nila ang order, para magsumite ng Counter-Affidavits, kasama ang Affidavit/s ng kanilang witness/ess at iba pang supporting documents.

Nakasaad din sa kautusan na ang kabiguang magsumite ng Counter-Affidavit sa itinakdang panahon ay ituturing na wini-waive ng respondents ang kanilang karapatan na magsumite ng Controverting Evidence, at susundan na ito ng Preliminary Investigation.