NAPILITAN ang Land Transportation Office (LTO) na mag-isyu ng Certificates of Registration na naka-print sa ordinaryong bond paper.
Paliwanag ni LTO Chief Vigor Mendoza, ilang araw na silang walang natatanggap na delivery mula sa National Printing Office (NPO) na nagsu-supply sa kanila ng security paper.
Sinabi ni Mendoza na nangako naman ang NPO na magde-deliver ng kinakailangang supply ngayong linggo.
Tinugunan ng ahensya ang potential shortage ng security paper noong Agosto nang maglabas ito ng guidelines sa paggamit ng Temporary Certificates of Registration.
Ipinag-utos ng LTO sa kanilang mga tanggapan na mag-print ng Temporary Registration Certificates gamit ang A4 bond paper kapag kinapos sila sa security paper.
Iku-konsiderang “Valid for all legal purposes” ang temporary certificates hanggang sa mapalitan ito ng naka-print sa security paper.
