Extended ang dalawampu’t apat na taong pamumuno ni Russian President Vladimir Putin, matapos manalo ng landslide sa katatapos lamang na halalan.
Nangangahulugan ito na anim na taon pang mananatili sa poder si Putin bilang pangulo ng Russia.
Ang pitumpu’t isang taong gulang na lider ay nanalo ng mahigit 87 percent votes sa pamamagitan ng 72 percent ng binilang na balota, laban sa tatlong iba pang mga kandidato.
Ginanap ang eleksyon sa Russia sa ikatlong taon ng digmaan laban sa Ukraine.
