IPINAGDIWANG ni Serbian Tennis Player Novak Djokovic ang kanyang ika-tatlumpu’t pitong kaarawan sa pamamagitan ng pagtatala ng ika-isanlibo at isandaang panalo sa kanyang career.
Pinadapa ng World No. 1 si Yannick Hanfmann ng Germany sa score na 6-3, 6-3, sa second round ng French Open.
Si Djokovic ay pangatlo pa lamang sunod kina Jimmy Connors at Roger Federer na nakaabot sa 1,100-win landmark.
Matapos talunin si Hanfmann, kinantahan ng crowd si Djokovic ng “Happy Birthday” habang ipinapasok sa court ang cake na mayroong mga kandila.