Ipinagpatuloy ng North Korea ang pagpapadala ng mga lobo na may kasamang basura sa border ng South Korea matapos pansamantala itong matigil noong nakaraang linggo.
Dose-dosenang lobo na may pabigat na basura ang natagpuan sa Seoul at sa mga lugar na malapit sa border nitong weekend, makaraang sabihin ng South Korean military na umaatake na naman ang North.
Nagbanta rin ang Seoul na magpapatupad sila ng “unedurable” measures laban sa Pyongyang bunsod ng patuloy na pagpapadala ng trash balloons, kabilang na ang malakas na propaganda broadcasts mula sa malalaking speakers na naka-set-up sa border na naka-direkta sa North Korea.
Inihayag naman ng Pyogyang na ang ipinadala nilang lobo ay ganti sa anti-north leaflets na pinalipad ng South Korean activists bilang bahagi ng kanilang kampaya na nagsimula noong Mayo.
