KINANSELA ng Backstreet Boys Member na si Nick Carter ang kanyang upcoming concerts sa Cebu at Manila.
Inanunsyo ng concert promoter na Wilbros Live sa social media na “due to unforseen circumstances,” hindi na matutuloy ang concert ni Nick sa Cebu sa May 23 at sa Manila sa May 24.
Sinabi rin ng Wilbros na umaasa ang american singer na ma-reschedule ang shows, “in the near future.”
Ang Cebu at Manila shows ni Nick ay bahagi sana ng Asian Leg ng kanyang “Who I Am” 2024 Tour.
Una nang kinansela ng BSB Member ang kanyang shows sa Asia, kabilang sa Jakarta, Mumbai, Bangalore, Singapore, Japan, at Taipei.
