Dismissed Mayor Alice Guo, binigyan ng panibagong 10 araw ng COMELEC para maghain ng counter-affidavit

BINIGYAN ng Comelec si Dismissed Bamban, Tarlac Mayor Alice Guo ng panibagong sampung araw para maghain ng kanyang counter-affidavit sa subpoena na isinampa laban sa kanya kaugnay ng umano’y material misrepresentation noong 2022 Elections.

Ito’y matapos katigan ng poll body ang ikalawang motion for extension of time na inihain ni Guo noong nakaraang linggo.

Nakasaad sa order ng Comelec na mayroong sampung calendar days ang Dismissed Mayor, mula Sept. 2 hanggang Sept. 12 para makapagsumite ng kanyang counter-affidavit.