Ilang pinsala, naiulat sa iba’t ibang bahagi ng Eastern Visayas kasunod ng magnitude 6 na lindol

Sa bayan ng Oras, nasira ang crucifix sa altar ng San Pedro Calungsod Quasi-Parish dahil sa malakas na lindol, ayon sa mga opisyal ng simbahan at mga residente.

Sa Tacloban City naman, ilang estudyante ng Eastern Visayas State University ang napaulat na nawalan ng malay dahil sa lindol, habang inilabas sandali ang mga pasyente mula sa ilang health facilities.

Wala pang inilalabas na consolidated report ang mga awtoridad hinggil sa lawak ng pinsala at posibleng casualties dahil nagpapatuloy pa umano ang assessment at monitoring sa mga apektadong lugar.