15 February 2025
Calbayog City
Metro

MMDA Chief, humingi ng paumanhin kaugnay ng matarik na PWD ramp sa EDSA busway

HUMINGI ng paumanhin si Metropolitan Manila Development Authority (MMDA) Chairman Romando Artes sa matarik na PWD ramp sa Philam Station ng EDSA Busway sa Quezon City.

Sa ambush interview, nag-sorry si Artes kung sa tingin ng publiko ay hindi pinag-isipan ang proyekto, kasabay ng pagbibigay diin na pinag-isipan nila itong mabuti.

Idinagdag ng MMDA Chief na kinonsulta nila ang mga arkitekto at inhinyero sa Traffic Engineering Office, at ito ang nakayanang gawin, batay sa sitwasyon ng lugar.

Sa statement, iminungkahi ni Senator Grace Poe na agad ayusin ang rampa bago pa may ma-aksidente.

Inihayag naman ni Artes na magkakaroon ng pulong ang MMDA sa isang architecture firm para masolusyunan ang problema.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.