BUMABALANGKAS ang Metropolitan Manila Development Authority (MMDA) at Department of Public Works and Highways (DPWH) ng 50-Year Drainage Master Plan para sa National Capital Region (NCR).
Sa hearing ng House Committee on Public Works and Highways, sinabi ni MMDA General Manager Procopio Lipana na kabilang sa plano ang upgrade at expansion ng drainage network.
Aniya, kailangang makumpleto ang rehabilitasyon sa lahat ng internal drainage systems sa Metro Manila, lalo na’t halos lahat dito ay itinayo noong pang 1970s.
Bukod sa long-term master plan, inihayag ni Lipana na magtatayo rin ang MMDA ng bagong pumping stations na kayang tumanggap ng mas maraming volume ng tubig tuwing malakas ang buhos ng ulan o storm surges.
