Mary Jane Veloso makakauwi na sa bansa ayon kay Pangulong Marcos

KINUMPIRMA ni Pangulong Ferdinand Marcos Jr. na makababalik na ng bansa ang Pinay na si Mary Jane Veloso.

Si Veloso ay nahatulang guilty sa kasong drug trafficking at nasentensyahan ng kamatayan sa Indonesia.

Ayon kay Pangulong Marcos, matapos ang mahigit isang dekadang diplomacy at konsultasyon sa Indonesian government, nagawa ng pamahalaan na maipa-delay ang parusang kamatayan kay Veloso. At ngayon, masayang ibinalita ng pangulo na pumayag na ang gobyerno ng Indonesia na makauwi ng bansa si Veloso.

“Mary Jane’s story resonates with many : a mother trapped by the grip of poverty, who made one desperate choice that altered the course of her life. While she was held accountable under Indonesian law, she remains a victim of her circumstances,” ayon sa pangulo.