13 February 2025
Calbayog City
National

House panel, naglaan ng isang milyong pisong reward kapalit ng impormasyon tungkol kay ‘Mary Grace Piattos’

mary grace piattos

Naglaan ang House Committee on Good Government and Public Accountability ng isang milyong pisong pabuya kapalit ng impormasyon tungkol kay “Mary Grace Piattos” na naka-pirma sa karamihan ng acknowledgement receipts para sa confidential funds ng mga opisina na nasa ilalim ni Vice President Sara Duterte.

Ginawa ni Zambales Rep. Jeff Khonghun, Vice Chairman ng komite, ang anunsyo, makaraang tawagin ni Vice President Sara Duterte na politically motivated, sa halip na in aid of legislation, ang ginagawang pagbusisi ng Kamara sa budget ng Office of the Vice President (OVP) at sa pinamunuan niyang Department of Education (DepEd).

Binigyang diin ni Khonghun na mahalagang malaman ang katotohanan, at makilala ang mga taong tumanggap mismo ng pondo at pumirma sa resibo, upang makadalo at makausap nila sa hearing.

Una nang nabunyag na nagsumite ang OVP at DepEd ng mga dokumento na mayroong maling mga petsa, pirma na walang pangalan ng signatories, at hindi mabasang pangalan ng signatories para ma-justify ang disbursement ng kanilang confidential funds simula 2022 hanggang 2023.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.