15 February 2025
Calbayog City
Entertainment

Michelle Dee, personal na kilala ang nagnakaw ng kanyang sasakyan

michelle dee

Nabawi na ni Michelle Dee kamakailan ang kanyang kotse na aniya ay ninakaw ng kanyang kakilala.

Ibinahagi ng Miss Universe Philippines 2023 na personal niyang kilala ang kumuha ng sasakyan niya, at couple aniya ang mga ito na nagtrabaho at tumira sa isa sa kanyang apartments sa Manila.

Sinabi ni Michelle na inamin din ng dalawa ang ginawa nilang krimen.

Nanawagan naman ang beauty queen sa kanyang supporters na posibleng may alam sa pagkakakilanlan ng mga suspek na manatiling kalmado, dahil inaayos na niya ang sitwasyon.

Umaasa rin si Michelle na gagawin ng mga suspek ang tama at ibabalik ang nararapat na kanya.

Hindi na siya nagbigay ng iba pang detalye subalit nahihimigan na tila mayroon pang ibang gamit na kinuha ang mga kawatan.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).