NAGLABAS ng video ang Israeli Military kung saan ipinakita ang mga sundalo na patungo sa isang gusali habang may mga bitbit na mga galon.
Ang mga galon umano ay naglalaman ng krudo para magamit ng Shifa Hospital sa Gaza Strip.
Sinabi ni Israeli Prime Minister Benjamin Netanyahu na inalok nila ng krudo ang ospital subalit tinanggihan ito.
Inihayag naman ng Israeli Military na inilagay nila ang tatlundaang litro ng krudo sa entrance ng ospital subalit hinarang ito ng Hamas.
Pinabulaanan naman ni Muhammad Abu Salmiya, Direktor ng Al Sihfa Medical Complex, na tinanggihan nila ang 300 liters ng diesel fuel, kasabay ng pagsasabing sarado ang lahat ng departamento dahil paubos na ang kanilang krudo, maliban sa emergency department.
