BUMABA ang bilang ng mga gumagamit ng tobacco sa mga nakalipas na taon.
Batay sa datos ng World Health Organization (WHO) noong 2022, isa na lamang mula sa bawat limang indibidwal sa buong mundo ang naninigarilyo o gumagamit ng ibang tobacco products.
Nakasaad din sa WHO report na nasa isandaan at limampung bansa ang matagumpay na nakapagbawas sa pagkonsumo ng tobacco.
Sa kabila naman nito ay patuloy ang paalala ng WHO sa hindi magandang dulot ng tobacco sa kalusugan.
