HALOS tatlumpung barong-barong ang winasak ng malakas na alon sa Isla Puting Bato, sa Tondo, Maynila, sa gitna ng malakas na buhos ng ulan at masungit na lagay ng karagatan dulot ng habagat na pinaigting ng bagyong Carina.
May ilang residenteng nasaktan habang sinisikap na sagipin ang kanilang kagamitan, kahit halos lumubog na sa tubig ang buong kabahayan.
Nasa dalawampung kabahayan naman sa kahabaan ng R-10 sa Vitas ang nasira rin ng malakas na ulan at hangin.
Dahil dito, umapela ng tulong pinansyal ang mga apektadong residente sa Manila City Government para maitayong muli ang kanilang mga nasirang kabahayan.
