Wagi ang mga racer mula sa Borongan, Eastern Samar sa 1st National Invitational Boat Racing na ginanap sa Dinagat Islands na nagtapos noong linggo.
Ang idinaos na karera na pinamagatang “The Battle of the Brands” ay isa sa main events ng Bugkosan Festival na itinakda bukas.
Gamit ang KTEC 20-horsepower engine, nasungkit ng team KFJ mula sa Borongan, ang first place at nag-uwi ng championship prize na 300,000 pesos.
Ang Team Doremon naman mula sa Panabo City, Davao del Norte ang first runner-up at tumanggap ng premyong 200,000 pesos habang second runner-up ang Team Ellemar mula sa Santa Maria, Davao Occidental na nanalo naman ng 100,000 pesos.
Labinlimang team mula sa iba’t ibang bahagi ng bansa ang lumahok sa karera ng mga bangka na nagpalakas sa tourist arrivals sa isla bilang bahagi ng kapistahan.
