INATASAN ni Manila Mayor Isko Moreno Domagoso ang mga opisyal ng lungsod na pormal na sumulat sa Meta (Facebook) Philippines at hilingin na agad maibalik ang official Facebook page ng Manila Public Information Office (MPIO), na nananatiling nasa ilalim ng kontrol ng dating city employees.
Ginawa ng alkalde ang direktiba sa unang meeting ng Manila City Disaster Risk Reduction and Management Council (CDRRMC), kasabay ng pagbibigay-diin ng kahalagahan ng page sa pagbibigay ng napapanahon at accurate na impormasyon, lalo na tuwing may emergencies.
Ipinag-utos din ni yorme na ipabatid sa Meta na ilipat ang Administrative Control ng page sa bagong talagang Public Information Officer ng Maynila na si Director E-Jhay Talagtag.
Sa hiwalay na post, sinabi ni Moreno na sa ngayon ay gagamitin muna niya ang sariling page para sa mga anunsyo at abiso na may kinalaman sa lungsod.
