7 February 2025
Calbayog City
Local

Mataas na opisyal ng NPA, patay sa engkwentro sa Catbalogan City

ISANG mataas na opisyal ng New People’s Army (NPA) ang napaslang sa engkwentro laban sa tropa ng pamahalaan sa Barangay Cawayan, Catbalogan City, sa Samar.

Kinilala ng Philippine Army ang nasawing rebelde na si Artemio Solayao, pinuno ng squad 2, Yakal Platoon sa ilalim ng Eastern Visayas Regional Party Committee.

Ayon sa 8th Infantry Division na naka-base sa Catbalogan City, matapos ang labinlimang minutong bakbakan ay iniwan ng mga rebelde ang napaslang nilang kasamahan, pati na ang isang kalibre kwarenta’y singko.

Si Solayao ay mayroong multiple warrants of arrest bunsod ng iba’t ibang krimen, kabilang ang pagsalakay sa 14th IB sa Barangay Maypandandan sa Catbalogan City noong 2014.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).