PORMAL nang pinasinayaan ang bagong Office Building ng Social Security System (SSS) Branch sa Calbayog City.
Nanguna sa pagbabasbas sa bagong tanggapan at pasilidad ng SSS si Most Reverend Isabelo C. Abarquez, ang Obispo ng Calbayog.
Ayon kay SSS Senior Vice President, Visayas Operations Group, Helen C. Solito, kabilang sa kanilang mga ikinukonsodera sa paglipat sa bagong location ay ang convenience ng kanilang mga miyembro at malaking matitipid sa renta ng pasilidad.
Sinabi naman ni Atty. Dario C. Tan, acting branch head ng SSS Calbayog, simula nang lumipat sila sa bagong lokasyon sa 5RR Building, Yrigan Road, University Town Center Compound, ay tumaas ang kanilang walk-in clients.
Aniya, 62, 800 ang covered members ng SSS Calbayog kung saan sakop ng kanilang Hurisdiksiyon ang 12 municipalities at isang lungsod kasama na ang mga island towns ng Almagro, Sto. Niño at Tagapul-an. Ayon pa kay Tan, Burial Claims ang madalas na transaksiyon ng kanilang mga kliyente.
Ikinatuwa naman ng Executive Vice President, Investment Sector na si Ernesto D. Francisco, Jr. ang mataas na koleksiyon ng SSS Calbayog Branch na aniya ay umabot sa P22M mula Enero Hanggang nitong Sityembre ng 2024.
