TINIYAK ng bagong Commander ng 8th Infantry Division ng Philippine Army na nakasasakop sa Eastern Visayas na palalakasin ang whole-of-nation approach upang matuldukan na ang insurhensiya sa mga lalawigan ng Leyte at Samar.
Binigyang diin ni Major Gen. Adonis Ariel Orio ang papel ng government agencies at civil society organizations sa pagtugon sa problema sa insurhensiya.
Hiniling din ni Orio ang tulong ng local government leaders, government agencies, peace partners, at ng komunidad.
Naniniwala ang bagong army commander ng Eastern Visayas na hindi kayang lutasin ng militar na mag-isa ang matagal nang problema sa insurhensiya, at isang proactive at epektibong whole-of-nation approach ang kinakailangan upang makamit ang minimithing kapayapaan sa rehiyon.