KABUUANG dalawandaan at anim na Pilipino na nasagip mula sa scam farms at rebel groups sa Myanmar ang nakatakdang dumating sa bansa simula ngayong Lunes, ayon sa Department of Foreign Affairs.
Ayon kay DFA Undersecretary Eduardo De Vega, tatlumpung Pinoy ang inaasahang darating ngayong Lunes na susundan ng 176 pang mga Pinoy.
Anya, ang mga Pilipino ay bahagi ng libu-libong foreign workers sa Myanmar na pwersahang pinag-trabaho sa scam farms.
Sinabi ni De Vega na napilitang magsara ang scam factories matapos silang putulan ng supply ng kuryente.
Lumala pa ang sitwasyon ng mga manggagawa nang dukutin sila ng mga armadong grupo na kumakalaban sa pamahalaan.
