Mahigit 80 elepante sa Namibia, planong katayin para ipamahagi ang karne nito sa mga apektado ng tagtuyot

Plano ng Namibia na katayin ang 723 wild animals, kabilang ang walumpu’t tatlong elepante, at ipamahagi ang karne nito sa mga taong walang makain dahil sa matinding tagtuyot sa buong Southern Africa, ayon sa Environment Ministry.

Isasagawa ang pagkatay sa mga hayop sa mga parke at communal areas, kung saan naniniwala ang mga awtoridad na lagpas na ang bilang ng mga hayop para makinabang sa land at water supplies.