PITUMPU’T isang pasahero ang nasagip ng mga tauhan ng Philippine Coast Guard (PCG) sa Northern Samar makaraang sumasadsad ang sinasakyan nilang RoRo Ferry sa Capul Island.
Ayon sa PCG, naglalayag ang MV Reina Hosanna patungong Matnog, Sorsogon mula sa Allen, Northern Samar nang tumirik ang makina nito.
Nasundan pa ito ng malakas na current dahilan para sumadsad ang ferry sa dalampasigan ng Barangay Uno, sa Capul.
