Inanunsyo ng US Central Command (CentCom) na mahigit 569 metric tons ng humanitarian assistance ang nai-deliver na sa pamamagitan ng temporary floating pier sa Gaza, subalit hindi lahat ng ayuda ay nakarating sa mga warehouse.
Nagsimulang dumating ang deliveries ng mga tulong sa pier na itinayo ng Amerika noong biyernes, sa harap ng lumalaking global pressure sa Israel na payagan ang pagpasok ng mas maraming supplies sa Gaza.
Ayon sa United Nations, sampung trucks ng food aid na ibiniyahe mula sa pier ng UN contractors, ang natanggap ng World Food Programme Warehouse sa Deir El Balah noong Biyernes.
Gayunman, pagsapit ng Sabado ay limang trucks lamang ang nakarating sa warehouse makaraang pinagkukuha umano ng Palestinians ang laman ng nasa labing isa pang mga truck.