UMABOT sa 54 na katao ang nadakip ng mga tauhan ng Task Force Anti-Criminality (TFAC) sa dalawang araw na operasyon sa Montalban, Rizal.
Ang mga nadakip ay dahil sa iba’t ibang paglabag sa Municipal Ordinances.
Kabilang sa naaresto ang isang mayroong standing warrant of arrest at Number 1 Most Wanted sa lungsod ng Maynila dahil sa kinakaharap na kasong pagpatay sa isang Barangay Tanod.
Ang suspek ay natimbog sa isang operasyon na isinagawa ng pinagsanib na puwersa ng TFAC at Rodriguez PNP.
Nakumpiska mula sa kanya ang mga ang mga baril kabilang ang caliber 45, caliber 38, shotgun, at iba’t ibang uri ng mga bala. (DDC)
