Kabuuang tatlundaan pitumpu’t tatlong pinoy workers na nasagip mula sa sinalakay na Philippine Offshore Gaming Operator (POGO) sa Tarlac ang pinakawalan na, ayon sa Presidential Anti-Organized Crime Commission (PAOCC).
Sinabi ni PAOCC Executive Director Undersecretary Gilbert Cruz, na batay sa rekomendasyon ng Inter-Agency Council Against Trafficking (IACAT) at Department of Social Welfare and Development, ni-release ang Filipino workers mula sa Sun Yuan Technology Inc. sa bayan ng Bamban, dakong alas onse kagabi.
Aniya, sumailalim ang lahat sa kinakailangang interview at trauma assesstment na isinagawa ng DSWD.
Samantala, siyam na iba pa ang kailangang manatili dahil magsisilbi silang witness habang isa naman ang mahaharap sa kaso bunsod ng partisipasyon nito sa ilang opisyal ng kumpanya.
