KABUUANG dalawandaan at tatlong Chinese Vessels ang namataan ng Armed Forces of the Philippines (AFP) sa West Philippine Sea sa nakalipas na linggo, na pinakamarami ngayong taon.
Simula Aug. 27 hanggang Sept. 2, 165 Chinese Maritime Militia (CMM) Vessels; dalawampu’t apat na China Coast Guard (CCG) Vessels; labindalawang People’s Liberation Army Navy (PLAN) Ships; at dalawang Research Vessels ang naispatan sa lugar.
Nakakalat ang mga ito sa Bajo De Masinloc, Ayungin Shoal, Pag-asa Islands, Kota Island, Rizal Reef, Escoda Shoal, at Iroquois Reef. Karamihan sa naturang Chinese Vessels ay na-monitor sa Escoda Shoal, kung saan naiulat ang pangha-harass ng China, kamakailan.
